Satıcı dəstəyi

Elanım niyə rədd edildi?

Ən çox rast gəlinən səbəblər: kataloq şəkli, başlıqda telefon nömrəsi, yanlış kateqoriya, real olmayan qiymət və İbay.az adından verilən vədlər (kredit, zəmanət). Dəqiq səbəb panelində elanın yanında yazılır.

Statistikanı necə oxumalı

Panel üç rəqəm göstərir: baxış, nömrə göstərildi və WhatsApp açıldı. Hər üçü gün ərzində unikal ziyarətçiyə görə sayılır — eyni adam beş dəfə toxunsa, bir dəfə sayılır.

Baxış çoxdur, nömrə açılışı azdırsa: qiymətə və şəkillərə bax. Nömrə açılır, amma zəng gəlmirsə: nömrənin işlək olduğunu yoxla.

İrəli çəkmə nə verir?

Premium və ya Önə çəkilmiş paket elanını 24 saat daha görünən yerdə göstərir. Bu, satışa zəmanət vermir. Xidmət başlayandan sonra pul geri qaytarılmır.

Doğrulanmış nişanı necə alım?

Mağaza ayarlarının «Sənədlər» bölməsinə şəxsiyyət vəsiqəsini və (varsa) VÖEN sənədini yüklə. Yoxlama adətən 1–2 iş günü çəkir. Nişansız da elan yerləşdirə bilərsən — o, məcburi deyil.